BE.256 Logu no.95
JESUS KRISTUS I DO RAJA

Ayat 1
Jesus Kristus i do Raja Pinabangkit ni AmaNa
Manggomgomi sasude Manggomgomi sasude
Jala nasa hajolmaon Tu Ibana do mar-Tuhan
Parhatopotonna be Parhatopotonna be

Ayat 2
Angka surusuruanNa Humaliang habangsaNa
Pasangaphon Raja i, Pasangaphon Raja i
Na di ginjang marhuaso Harajaon na di tano
Mangoloi patikNa i Mangoloi patikNa i

Ayat 3
Debata do sasadasa Holan Jesus do tudosna
Anak tu Amana i, Anak tu Amana i
Na so meret habangsana So marujung do ngoluna
Tongtong gomgomanNa i Tongtong gomgomanNa i.

Ayat 4
Holan Jesus patupahon Na malua hajolmaon
Ala ni mudarNa i, Ala ni mudarNa i
Nunga sahat hangoluan Sai tongtong do partuaon
Dibagasan Jesus i, Dibagasan Jesus i

Ayat 5
Hamu angka na mardosa Nang hamu na ponjot hosa
Ala ni na porsuk i, Ala ni na porsuk i
Sai pasahat rohamna Nang na hinolsohonmuna
Tu Tuhanta Jesus i, Tu Tuhanta Jesus i.

Ayat 6
O hamuna na badia Nang na tigor i, na ria
Nang sude naung monang i, Nang sude naung monang i
Tole ma hamu natorop Tole ma marolopolop
Puji ma Tuhanta i, Puji ma Tuhanta i.
